--Ads--
Pinasingkedan ni impeachment court presiding officer Sen. Chiz Escudero ti personal a targetna para iti taray ti trial ken ni Vice President Sara Duterte.
Segun ken ni Escudero, natural laeng a nabuntos iti panagrugi ti trial ta agkapkapa pay laeng iti amin sakbay iti proseso.
No pay kasta ket mangnamnama isuna a mapadaras ti taray ti panagdenggeg kadagiti sumarsaruno a lawas bayat a masansanay dagiti agpampanday linteg ken ti panel of prosecutors ken counsel for respondents.
Iti baet dayta ket impaganetgetna a saan a maisakripisyo ti husto a proseso ti linteg.
-- ADVERTISEMENT --
Inlawlawagna a ti esksakto a nakaituding a panawen ket saan pay laeng a pinal ken agbaliw pay depende kadagiti maisagsagana a sarita iti agsumangir a biang.
