Erwin Tulfo, pilaanna iti kaso dagiti dati a suldado gapu iti panangiramanda kenkuana nga immawat iti minaleta a kuarta

Isagsaganan ni Senador Erwin Tulfo ti panangipilana iti kaso kontra kadagiti nagpayam-ammo a dati a suldado a nangpabasul kenkuana kadagiti dadduma pay nga agpampanday-linteg a nakaawat iti minaleta a kuarta, ket inawaganna daytoy a “politically motivated”.

Segun ken ni Tulfo, saan a nakapungtot kadagiti pammabasul no di ket nakakatkatawa pay daytoy para kenkuana.

Nupay kasta, saan nga anamungan ti senador daytoy nga inaramidda isu a pilaanna ida iti kaso.

Kayatna a mangiparang dagiti mangpabpabasul kenkuana iti ebidensia iti proper forum ket kinaritna ida nga idanonda daytoy iti Office of the Ombudsman.