--Ads--
Binallaagan ni Senador Erwin Tulfo ti publiko nga awan ti lugar dagiti epal a pulitiko iti panagipaay ti tulong manipud iti gobierno iti baet ti krisis iti nangina a presio ti petrolyo.
Segun ken ni Tulfo, nainget ti panangipatungpalna iti patakaran kontra iti politikal a panagaramat iti fuel subsidy a nailatang para kadagiti PUV driver ken dagiti mangngalap.
Impasigurado ti senador a ti fuel subsidy ket nasken nga inclusive, agraman ti 8.5 milion motorcycle rider iti pagilian.
Idi Pebrero ket insingasing ni Tulfo ti Senate Bill No 1750 wenno ti “Anti-Epal Act”, a ti gagemna ket permanente nga iparit ti pannakipaset dagiti elected official ken kandidato iti aktwal a panangipaay iti tulong pinansial ti gobierno.
-- ADVERTISEMENT --
