--Ads--
Agpaayab iti hearing inton Biernes ni Senate Committee on Foreign Relations Chairman Erwin Tulfo tapno ammuen dagiti addang nga inaramid ti gobierno iti baet ti krisis iti Middle East.
Segun ken ni Tulfo, saan laeng a nasken nga iti Overseas Filipino Workers a nakapokus ti gobierno ta apektado ti intero a pagilian iti sitwasion iti Middle East.
Innayonna a kadagiti sumaruno nga aldaw ket pagamkanda ti ingingina ti presio ti langis ken dagiti magatang.
Kitaen pay ti senador no adda makanay a pondo a nakalatang ken no ania ti agbalin nga addang to gobierno no bilang agkiddaw iti panagpangina iti plete dagiti public utility vehicle operator.
-- ADVERTISEMENT --
