VIGAN CITY– “Saan nga amin nga agapplikar kadagiti Unibersidad ken State Colleges ket awaten ti pagadalan kagiddan iti pannakaipatungpal ti libre a matrikula iti kolehiyo”, dayta iti inlawlawag ni Commission on Higher Education (CHED) officer-in-charge Prospero De Vera.
Iti ekslusibo a pannakiuman ti Bombo Radyo Vigan kenni De Vera , inlawlawag na a nasken a makapasa ti applikante wenno enrolee kadagiti kwalipikasyon dagiti kolehiyo iti admission requirement a kas kuma iti pannakapasa da ti admission test.
Innayonna a limitado laeng ti bilang nga awaten dagiti pagadalan ta nakadepende dayta iti ‘carrying capacity’ ta no awaten da amin ket posible nga aglilinnetlet da iti maysa a classroom ket saan a maipaay kadakuada ti libre ngem dekalidad nga edukasyon.
Kinunana a ti bilang dagiti estudyante nga awaten ti pagadalan ket depende iti bilang dagiti classrooms, laboratoryo ,pasilidad ken ti faculty –student ratio.
