Papa-imbestigaran ni Deputy Minority Leader ken Basilan Representative Mujiv Hataman iti Kamara ti engkwentro iti nagbaetan ti pwersa ti Armed Forces of the Philippines (AFP) ken Moro Islamic Liberation Front (MILF) a nakatayan dagiti dua a suldado ken adu iti nadunor.
Impaganetget ni Hataman a ti panawen ti kappia ket saan a rumbeng a maaddaan ti nadara nga engkwentro ti gobierno ken MILF isu a rumbeng a marisot tapno masigurado a saanen a mauli ken awanen iti maisagmak.
Iti idurduron a panagdengngeg ni Hataman ket target a maadal ti Comprehensive Agreement on the Bangsamoro a napirmaan idi 2014 a gagem a malapdan iti nasao nga engkwentro.
Pagarupen ni Hataman a posible a saan a maipatpatungpal a nainget ti nasao a tulagan isu nga agpalpalya ti mekanismo para iti naannayas a koordinasyon iti nagbaetan ti gobierno ni MILF.
Segun ken ni Hataman iti hearing iti Kamara, manamnama a mabigbig dagiti palya, karit ken kinakapsot a polisya a mangpapigsa ti security framework ken mangpasayaat iti intergovernmental coordination iti Bangsamoro Autonomous Region in Muslim Mindanao.
