VIGAN CITY – Naisanud ti pannakaipatungpal ti Emergency Shielding Period ditoy probinsia ngem binilin ni Gov Ryan Singson dagiti local chief executives nga ipatungpalda ti nainget a pagannurotan ti probinsia pakairamananen dagiti ordinansa nga imparuar ti Inter Agency Task Force nangruna ti pannakaiparit ti mass gathering.
Numan pay idi Sabado ket pinasingkedan ti gobernador a maidalan iti emergency shielding ti probinsia tapno malabanan ti Covid19, napagdesisyunan met laeng a maisanud ti pannakaipatungpalna tapno mabangon ti ekonomia.
Nupay kasta, masapul latta a sumurot ti amin kadagiti pagannurotan ken dayawen met ti gobernador ti awan sarday a sakripisyo dagiti medical frontliner iti nasurok makatawenen.
Gapu ti dayta, impasiguradona a ti provincial government ket ikagkagumaanda ti mangtulong kadagiti Covid19 patients, frontliners, ken dagiti taga-Ilocos Sur tapno masalwadan ti salun-at ti tunggal maysa.
