--Ads--
Naka-activate ita ti Emergency Operations Center ti Ilocos Sur Provincial Disaster Risk Reduction and Management Council.
Dayta ket kagiddan ti isasangbay ti holiday season.
Iti pannaki-uman ti Bombo Radyo Vigan ken ni PDRRMO Rhon Arquelada, agpatpatnag a nakalukat ti opisinada ken kaduada ti Philippine National Police, Philippine Coast Guard, City and Municipal Disaster Risk Reduction and Management Council a mangipatungpal kadagiti protocol nangruna ta ti probinsia ket maysa kadagiti daydaywen ti turista.
Kadua pay ti Ilocos Sur PDRRMO ti Kalsada Task Force tapno ipasigurado ti kinatalged dagiti motorista ken ti panagbantay iti aglawlaw ti simbaan ita a panawen ti Simbang Gabi.
-- ADVERTISEMENT --
