Balligi ti dua nga aldaw a pannakaisayangkat ti Emergency Medical Response Training iti ili ti Sto. Domingo.
Ti aktibidad ket nakipasetan ti Barangay Disaster Risk Reduction Committee a buklen dagiti barangay official, barangay health worker ken barangay tanod.
Iti pannaki-uman ti Bombo Radyo Vigan ken ni Cecilia de Vera, Local Disaster Risk Reduction and Management Officer, gagem ti nasao a gannuat a mapasayaat ti kabaelanda ken tapno manayonan ti sursuroda mainaig no kasano ti nasken nga aramiden no adda emergency.
Naisuro kadagiti nakipaset ti husto a wagas iti panangmanehar iti bleeding, bandaging, carrying techniques, rescue transfer ken hands on Cardiopulmonary Resuscitation.
Adda pay naangay a simulation exercise nga isu ti gundaway a panangi-execute-da kadagiti nasursuroda.
