--Ads--
Kinumpirmaran ti Armed Forces of the Philippines (AFP) a linapdan dagiti barko iti China ti insayangkat nga emergency medical evacuation dagiti kameng ti Philippine Coast Guard (PCG) iti maysa a suldado a kasapulan idi a maiyakar.
Segun ken ni Philippine Navy Spokesperson for the West Philippine Sea Rear Admiral Roy Vincent Trinidad, napasamak iti insidente idi July 7, 2024 a maysa a suldado a nakabase iti BRP Sierra Madre iti Ayungin Shoal ti kinasapulan a naiyakar ken naipan iti ospital.
Nupay saanen a naibaga iti pasamak ngem kinuna ni Trinidad a balligi ti emergency medical evacuation iti nasao a suldado.
Iti agdama ket adda idiay Camp Ricarte Station Hospital idiay Puerto Princesa, Palawan ti masakit a suldado.
-- ADVERTISEMENT --
