VIGAN CITY – Adda ti emergency command conference a maisayangkat tatta nga aldaw idiay Kamara ket naayaban ni Health Secretary Francisco Duque III tapnu mapagpapatangan ti isyu ti coronavirus.
Dayta iti inpaka-ammo ni dati a Health Secretary ken agdama nga Iloilo Rep. Janette Garin iti pannaki-uman kenkuana ti Bombo Radyo Vigan.
Ti nasao a command conference ket manamnama nga atendaran dagiti mangidaulo ken director ti tunggal ospital tapnu mabilinda no ania dagiti kasapulan nga aramiden, no manu iti pondo a maaramat ken nu kasanu dagiti wagas nga aramiden da iti panangmonitor da kadagiti tattao a posible nga apektado iti nasao a sakit.
Mamati ni Garin nga ar-aramiden amin ti DOH dagiti wagas nga ammo da tapnu maliklikan nga agraira ditoy pagilian ti NCov babaen met laeng iti pannaki-kinnammayet dagiti local government units.
