--Ads--
VIGAN CITY – Sinnerrek iti saan pay a nabigbig a suspect ti Pug-os Elementary School idiay Brgy. Pug-os, Cabugao.
Segun kenni Police Captain Ramil Llarenas, hepe ti Cabugao Municipal Police Station, natakaw manipod iti pagadalan ti maysa a laptop, nasurok a lima gasut a pisos a barya, ken groceries nga adda iti uneg ti canteen iti nasao a pagadalan.
Dinadael ti suspect iti padlock ken nagaramat da iti screw driver tapno malukatan iti cabinet nga ayan dagiti natakaw a gamit ken kwarta.
Patien ti hepe a maymaysa a tao laeng iti akin-aramid iti panagtakaw iti nasao a pagadalan ken dakkel kuma a tulong iti panangimbestigar da iti CCTV ngem sakbay a pimmanaw dagiti mangisursuro ket inikkat da iti saksak na isu a saan a nagkurre a nagpatnag.
-- ADVERTISEMENT --
