--Ads--
VIGAN CITY – Agtultuloy ti panangduktal ti Bureau of Fire Protection – Cabugao no mano ti gatad dagiti nauram a sanikua manipud iti maysa a grocery store iti ili ti Cabugao.
Iti pannaki-uman ti Bombo Radyo Vigan ken ni Fire Senior Inspector Eddie Tabuno, alas tres kwarenta y singko iti malem idi nagpaarayat kadakuada ti maysa a traffic aide a nangipakaammo nga adda maur-uram iti tiendaan ti ili.
Dua a firetruck ti naaramat iti panagresponde dagiti bumbero ket kalpasan ti duapulo a minutos ket nadepdep ti apuy.
Mapapati nga electrical system ti nagtaudan ti nasao nga uram ngem nupay kasta, awan ti nadangran iti nasao a pasamak.
-- ADVERTISEMENT --
