VIGAN CITY – Electrical overloading ti maysa a makitkita ti Bureau of Fire Protection – Vigan City a nagtaudan ti uram iti maysa a commercial building idiay Bonifacio Street corner, Sikatuna Street, Barangay 1, Vigan City.
Ti pasdek ket kukua ni Arvin Chan, agtawen iti uppat a pulo ket innem, agnaed iti nasao a lugar.
Iti pannaki-uman ti Bombo Radyo Vigan ken ni Senior Fire Officer 1 Jan Richard Abubo, Lead Investigator iti BFP-Vigan City, mapapati a ti kayo a flooring iti maikadua a kadsaaran ti pasdek ken dagiti karton ti nangpakaro iti uram.
Agtultuloy latta met ti panangduktalda kadagiti mabalin pay a makaigapu iti uram ken no mano ti gatad ti pasdek a nauram ken dagiti linaonna a kaaduan ket dagiti baking product.
Maipalagip a ti uram ket pinagtitinnulongan met a dinepdep dagiti kameng ti BFP-Sta. Catalina, San Vicente, Caoayan, BCS Fire Brigade ken ti JTC Fire Protection team.
