--Ads--
Nagballaag ti Department of Agriculture a mabalin a maapektaran ti suplay ken produksion ti bagas iti Pilipinas iti umuna a semester ti sumaruno a tawen gapu iti manamnama nga El Niño.
Segun iti DA, nakadepende iti kakaro ti epekto ken kapaot ti tikag, isu a mapapigsa ti lokal a produksion ken maituloy ti panagangkat ti bagas tapno mapagtalinaed ti umdas nga stocks.
Agkidkiddaw pay ti ahensia iti nayon a P6.2 billion para iti krudo ken ganagan ken P5 billion para iti nayon nga solar irrigation infrastructure.
Kabayatanna, umaboten iti 3.67 million metriko tonelada ti rice imports agingga Setyembre 3, ken manamnama a maartapanna daytoy ti rekord a 4.81 million metriko tonelada idi 2024.
-- ADVERTISEMENT --
