VIGAN CITY – Nakaro iti nagbalin nga epekto iti covid-19 idiay British Virgin Island ta bimmaba iti ekonomiada ta turismo a kangrunaan a pagsapulan iti nasao a pagilian.
Segun kenni Bombo International Correspondent Geraldine Pamo nga OFW iti nasao a pagilian ken tubo iti Sto. Tomas, Sto. Domingo, gapu iti pannakapasarra dagiti border, restaurant, hotel ken bar, awan iti flight ken awan iti cruise ship ket awan metten iti turista a makastrek a kangrunaan ken sentro a mangbibiag iti ekonomia iti nasao a pagilian.
Kinunana pay a gapu ta asideg laeng ti Amerika ti British Virgin Island ket masansan a ti mapan a turista ket dagiti American nationals.
Kalaksidan iti dayta, ket adda pay iti naipatkder iti entrance iti tunggal establishtamento a pagbugwan iti ima tapno masanitize sakbay iti panagserrek dagiti tattao nga ipalagip ti pulis wenno guard tapno maliklikan iti covid-19.
