Impannakkel ti Department of Budget and Management nga agtaltalinaed a natibker latta ti ekonomia ti Pilipinas iti baet dagiti naglabasan a karit ti pagilian kas ti anomalya, didigra, ken dadduma pay.
Segun ken ni DBM Acting Secretary Rolando Toledo, napintas ti macroeconomics foundation kas ti nababa nga inflation rate ken fiscal deficit a kunana a ‘manageable’.
Malaksid dayta, natibker dagiti maipatpatungpal nga addang kontra anomalya a naipalaon iti New Government Procurement Act kas ti Marketplace, Open Contracting, Participatory Procurement, panangirusat iti government purchase card, ken inclusive procurement program.
Maysa kadagiti nabara nga isyu agingga ita ti naibutaktak nga anomalia iti flood control project a ti karaman ket dagiti dadduma nga agpampanday-linteg ken dagiti opisial ti Department of Public Works and Highways ken sapsapulenen dagiti pannakabagi ti linteg dagiti karaman.
