Dakkel ti pammati ni Senador JV Ejercito a nadardaras ti pananglaban kadagiti dakes nga epekto ti online gambling no mangiruar iti executive order ni Presidente Ferdinand Marcos Jr.
Segun ken ni Ejercito, ti ania man nga ibaga wenno iruar a pammilin ti presidente ket agbalin a paglintegan.
Innayon ti senador a no nangiruar iti Executive Order ti presidente ket sigurado a maipakat ti turay ken suroten ti amin.
Ita nga awan pay ti linteg ket nagpanawagan ti senador kadagiti ahensia ti gobierno kas ti National Telecommunications Commission at Department of Information and Communications Technology (DICT) a bilinen dagiti entities iti salinongda, kas dagiti e-wallet platform a siguradoen a saan a maka-access dagiti menor de edad iti online gambling platform wenno website.
