--Ads--
Abansen ni Pinoy ken world’s No. 2 pole vaulter EJ Obiena ti men’s pole vault finals iti athletics iti Paris Olympics ta nakaabot ti Top 12 iti qualifiers iti Stade de France.
Nupay saan a napintas ti nagbalin a performance ni Obiena iti umuna a dua nga attempt ket cleared ti 5.75 meters a gappuanan ti pannaka-abotna ti final round.
Nakaituding makilaban ti medal round inton August 6 iti ala una iti parbangon ket gagemna nga artapan ti maika-sangapulo ket maysa a pwestona idi 2021 Tokyo Games.
Ni Obiena ti maysa kadagiti kangrunaan a bet ti Philippine Team a makaala ti medalya iti Paris Olympics kasaruno ti napintas a rekord ta nakalagto ti nasurok 6 meters iti dua a daras kadadagiti international competition a sinalianna.
-- ADVERTISEMENT --
