Naituding a lumaban ni pole vaulter EJ Obiena iti 2025 Mondo Classic idiay IFY arena – Uppsala, Sweden inton Huebes, Marso 13.
Ti torneyo ket agserbi kas maud inga indoor event ni Obiena sakbay nga agpokus iti panagsaganana iti outdoor season a sumalianna iti tallo a major events iti Asian Championships idiay Gumi, South Korea inton May 21 agingga 31, World Outdoor Championships idiay Tokyo, Japan inton September 13 agingga 21 ken Southeast Asian Games idiay Bangkok, Thailand inton December 7 agingga 19.
Namnamaen ni Obiena a mangabak iti indoor gala event kalpasan ti panangabakna iti bronze babaen iti 5.91 meters idi napan a tawen.
Ti Mondo Classic ti agserserbi a lead-up para iti World Indoor Championships idiay Nanjing, China inton March 21 agingga 23, ngem saan a na-qualift ni Obiena kabayatan iti window period gapu iti back injury a sinagabana kabayatan iti panagsanayna para iti Paris Olympics idi napan a tawen.
