--Ads--
Nangabak manen ni E.J. Obiena iti balitok a medalya iti Stabhochsprung Meeting sadiay Jockgrim, Germany kalpasan a naka-clear iti 5.83 a metro iti pole vault.
Pinadasna nga artapan ti season best-na a 5.85m babaen ti panaglagtona iti 5.93m, ngem saanna a nagteng iti namitlo a panangpadasna.
Inabakna manen ni Seifeldin Abdelsalam ti Qatar, idinto a ni Ersu Sasma ti Turkey ti nakagun-od iti bronze a medalya babaen iti 5.77m.
Segun ken ni Obiena, saan a nalaka ti nasao a kompetision, ngem maragsakan iti panagballigina ken agtultuloy ti panagsanayna para kadagiti sumaruno a torneo.
-- ADVERTISEMENT --
Daytoy ti maikapat a balitok a medalya ni Obiena idiay Germany ita a 2026 season, kalpasan dagiti balligina idiay Cottbus, Berlin, Halberstadt, ken ita ti Jockgrim.
