--Ads--
Desidido ni Pinoy pole vaulter EJ Obiena a maidepensa ti koronana iti 2026 Asian Games pole vault event inton Setyembre idiay Nagoya, Japan.
Asidegen ni EJ iti winning mark-na iti Asian Games a nakairekordanna iti 5.85 meters idi nagbalin a silver medalist iti Meeting Madrid 2026 World Athletics Continental Tour a naisayangkat idiay Madrid, Spain.
Dikit daytoy iti 5.90m a naala ni Obiena iti nakagun-od iti balitok a medalya idi 2023 Asian Games idiay Hangzhou, China.
Namnamaen ni Obiena nga idaulwanna ti kampania ti Team Philippines, kaduana da Carlos Yulo, Alex Eala, ken Gilas Pilipinas, nga agpapada a target-da ti mangiyawid kadagiti gold medal iti 2026 Asian Games.
-- ADVERTISEMENT --
