Nakasagana ti Second Congressional Commission on Education 2 iti gakat ti Department of Education nga ipatungpal ti trimester system iti school year 2026-2027, ngem nasken a masigurado pay nga umuna ti kinasagana dagiti mangisursuro, materyales, ken naurnos a konsultasyon.
Segun ken ni Karol Mark Yee, saanda a kontra iti gakat no la ket ta nakasagana ti amin, nangruna ta ti agdama a curriculum ti DepEd ket naka-quarterly pay laeng.
Gagem ti trimester system a bingayen ti 201 school days iti 3 a termino tapno maksayan ti learning loss nga epekto ti masansan a class suspension, nga umab-abot iti 30-50 nga aldaw iti tinawen.
Mamati ti EDCOM 2 a mabalin a makatulong daytoy iti nakomkompleto a panagisuro no naurnos ti panagsagana sakbay ti pannakaipatungpalna.
