Naalarma ti EcoWaste Coalition iti adu a nagkaiwara iti Rizal Park ken Quiapo idiay Manila idi minilion a deboto ti nakipaset iti Traslacion para iti kapiestaan ti Jesus Nazareno.
Segun iti grupo, napunno ti basura dagiti kalsada ken pampubliko a lugar kalpasan iti 30 nga oras a prusisyon manipud Quirino Grandstand a mapan iti Quiapo Church, a pakairamanan ti plastic packaging, food waste, cigarette buds, nabati a tsinelas, ken dadduma pay a naglalaok a basura.
Adda pay dagiti nagaramat iti plastic bottle a nagisbwanda, a naibati laeng iti aglawlaw ti tambak a basura ken napunno a pagbasuraan.
Idiay Quiapo ket nasarakan pay ti basura iti kalsada ken kanal, kas ti single-use plastic bottles, food packaging, bamboo skewers, ken tidtidda a taraon.
