Al-allukoyen ti EcoWaste Coalition dagiti kandidato a sumurot iti COMELEC resolution mainaig iti panangipaskil iti election campaign poster iti aglawlaw.
Dayta ket kasaruno iti paliiw ti nasao nga environment group ken ti COMELEC nga adu latta dagiti poster a naipaskil iti saan nga umiso a lugar.
Iti pannaki-uman ti Bombo Radyo Vigan ken ni National Coordinator Aileen Lucero, nasken nga agbalin a modelo dagiti kandidato kadagiti umili ken masapul a masurwan dagiti supporter-da no ania laeng dagiti mabalin a pagipaskilan kadagiti poster tapno mapagtalinaed ti nadalus nga aglawlaw.
Insingasing pay ni Lucero ti kaadda ti seminar tapno masanay dagiti kandidato, chief of staff, ken campaign manager ta isuda ti adda iti napateg nga akemna.
Nupay kasta, allukoyenna dagiti kandidato a bagaanda a nasayaat dagiti nabilin nga agipaskil ta liklikanda dagiti lugar a saan nga ikkan iti poster kas kadagiti kayo wenno waya ti koriente.
