VIGAN CITY – Sigsiguraduen ti Kamara a maitandudo dagiti economic ken political change iti pagilian.
Ti pannaki-uman ti Bombo Radyo Vigan ken ni House Committee in Constitutional Amendments chairman Cagayan De Oro City Rep. Rufus Rodriguez, nadakamat na a masapul a panangpalukay iti foreign investment tapnu ad adu pay iti umay agpuunan ditoy pagilian ket ad adu dagiti Pilipino a maikkan iti pagsapulan.
Nu ad adu ti umay agpuunan ditoy pagilian, ad adu met iti buwis a mapastrek iti gobiyerno.
Malaksid iti panangpalukay iti foreign investment, masapul a masigurado a ti sumaruno a presidente ken bise presidente ket agkadua tapnu saan da a kanayon nga agriri ken maliklikan iti kinnontra kadagiti proyekto ken programa a maiyimplimentar ditoy pagilian.
Innayon na pay a masapul nga adda ti senador a mapili iti kada rehiyon tapnu adda iti mangtrabaho iti pondo a kasapulan dagiti umili.
Dagita a kalikagum ket nakailanad amin iti itantandudo ti grupo ni Rodriguez a federalismo.
Inlawlawag na pay a ti baro a porma iti gobiyerno ken pamunganayen linteg ket nasimsimplen ken basbassit iti pakasaknaran na tapnu saanen nga adu pay iti panagdidinnebate a mapasamak.
