Eco-tourism site management, makatulong tapno masalakniban  dagiti tourist spots

VIGAN CITY– Mapainget ti pannakamentenar dagiti  eco-tourism sites ken maikkan pay ti pagsapulan dagiti bumaranggay no maapprubaran ti ordinansa nga inpila ni  Bokal Christopher Baterina para iti pannakabukel ti eco-tourism site management.

Segun kenni Bokal Baterina,  ti  eco-tourism site management ket  mangmentinir dagiti tourism sites  babaen iti pannakaipatungpal kadagiti allagadan a mangsalaknib kadagiti nasao a pagpasyaran.

Dumalan to pay  iti registration dagiti turista ta maammuan   ti pakabigbigan ken bilang  dagiti agpaspasyar tapno ammo da ti limitasyon ti bilag dagiti turista nga awaten da ken addan to pay dagiti tour  guides nga umawat ti binulan a sweldo .