Mamati ni dati nga International Criminal Court (ICC) Judge Raul Pangalanan a naan-anayen dagiti ebidensia nga impakita ti prosekusyon tapno i-convict ni dati a Presidente Rodrigo Duterte.
Segun ti dati nga huwes ken dati a nagserbi kas dean ti U.P. College of Law, natibker dagiti ebidensia nga impresentar ti prosekusyon iti umuna nga aldaw ti hearing ken naan-anayen tapno kumbinsiren dagiti husgado ti ICC.
Saan met nga ilaksid ti dati nga ICC judge ti posibilidad nga isagsagana ti panel a strongest evidence para iti proper trial kas bilang matuloy ti kaso manipud iti confirmation stage.
Karaman ti impresentar ti panel iti umuna nga aldaw ti confirmation hearing dagiti video ni Duterte iti panang-amin na ti sumagmamano a panagpatay ken dadduma a kontrobersial a bilin idi panawen ti illegal drug campaigns.
