Dagiti ebidensia ket saan a 2028 presidential elections ti nasken a kitaen dagiti agpampanday-linteg iti impeachment complaint a sangsangwen ni Vice President Sara Duterte.
Dayta ti pinasingkedan ni Tingog Partylist Rep. Jude Acidre, miembro ti House Committee on Justice kagiddan ti panagsagana ti komite iti impeachment hearing a mapasamak inton Abril 22, ket manamnama ti pannakaiparang dagiti nayon nga ebidensia mainaig kadagiti impeachment complaint.
Segun ken ni Acidre, saan a nasken a tagidaksen no adda dagiti kongresista nga agpampanunot a naimbag sakbay nga agdesision.
Impaganetget ni Acidre a napateg a makikita dagiti padana nga agpampanday-linteg dagiti ebidensia, nangruna dagiti agdama a miembro a saan laeng a paset ti 19th Congress no kaano a maimbestigaran ti mapapati nga iregularidad iti panagaramat ti pondo ni Duterte.
