Inaprubaran ti House of Representatives ti House Bill No.8468 wenno ti eBayad iti third reading, segun ken ni Speaker Faustino Dy III.
Ti addang ket tapno mapan iti Digital Pilipinas ken agbalin a modernisado ti serbisio ti gobierno.
Gagem ti linteg ng aramiden a digital ti amin a government disbursements ken koleksion pakairamanan ti sweldo, allowances, honoraria, cash aid, buwis ken tolls babaen ti electronic fund transfer ken dadduma pay a digital payment platforms.
Karaman pay iti gakat ti panangsuporta kadagiti negosiante kangrunaan kadagiti micro-businesses kas ti market vendors ken tricycle operator’s tapno maaramat ti digital payments iti transactions-da.
Segun ken ni Dy, makatulong ti linteg tapno maikkatan ti red tape, aramiden a mas transparent ti pondo ti ili, ken mapalawa ti partisipasion dagiti Pilipino iti formal economy.
