Naisayangkat ti maikapat nga earthquake drill iti ili ti Narvacan babaen iti panangidaulo dagiti kameng ti Narvacan Municipal Disaster Risk Reduction and Management Office ken Narvacan Bureau of Fire Protection.
Iti earthquake drill, impakita dagiti rescuer ti umisu a wagas ti panangtaming no adda madangran wenno mapupok iti pasdek no mapasamak ti ginggined.
Nakipartisipar amin dagiti opisial ken empleado babaen ti panag-dock and cover-da idi aguni ti alarma.
Nagin-inayadda a naglilinia a rimmuar iti presidensia ken nagturongda iti kalsada a yan dagiti kameng ti MDRRMO ken BFP personnel nga agur-uray.
Iti pannaki-uman ti Bombo Radyo Vigan ken ni Melissa Cabamungan, napintas daytoy nga addang tapno ammo ti tunggal maysa ti aramidenda no adda ti dumteng a didigra nangruna iti gingined.
