VIGAN CITY – Inyanunsyo ti Ilocos Sur National High School a ti Early Registration para kadagiti incoming Grade 7 students para iti School Year 2022-2023 ket narugianen (March 25) nga agpaot agingga inton April 30.
Dua a wagas ti panagparehistroan a daytoy ket babaen iti Walk-in wenno Online.
Para iti walk-in, adda dagiti registration forms a maala iti entrance gate idinto a ti online ket adda maited a link ngem para laeng daytoy kadagiti estudiante iti ruar ti Vigan City ken dagiti laeng pribado a pagadalan.
Para kadagiti estudiante iti public schools ti Vigan City, kapatangda laeng ti Grade 6 Adviser-da.
Dagiti parents wenno guardian ket mabalin latta met a mapan iti eskwela para iti face-to-face registration iti, March 26, inton April 2, Aoril 9, April 16, April 23, ken April 30.
