--Ads--
VIGAN CITY – Nangiyuswat ti Bangued PNP iti Abra ti programa a naawagan ti E-Reklamo a babaen iti online ket nawaya dagiti umili a mangidatag iti reklamoda.
Ti nasao nga addang ket tapno maliklikanda ti rumuar iti pagtaenganda ken saanda a makaptan ti COVID19 ta dagiti pannakabagin ti linteg ti mangkitanto kadagiti maipatulod kadakuada kas ti voice message nga isu ti denggenda.
No pay kasta, allukoyenda dagiti umili nga imbes a mapanda a mismo iti istasyon ket aramatenda laengen iti gadget-da tapno maidanun kadagiti pannakabagi ti linteg dagiti kayatda nga ireklamo.
Nabalakadanda pay a sumurotda no aniaman dagiti maiyetnag a pagannurotan tapno saanen nga agraira pay ti nasao a virus.
-- ADVERTISEMENT --
