--Ads--
Posible a saan a makaay-ayam ni Dwight Ramos para iti Gilas Pilipinas iti 2026 Asian Games gapu iti posible a panaggiddan ti torneo iti schedule ti Japan B. League, a pagay-ayamanna manen para iti Levanga Hokkaido.
Gapu ta saan a FIBA-sanctioned ti Asian Games, awan ti obligasion dagiti professional league a mangted iti pammalubos kadagiti player a sumali iti national team.
Nupay kasta, karaman latta ni Ramos iti Gilas pool nga impasa ti Philippine Olympic Committee.
Manamnama nga iruar ti Samahang Basketbol ng Pilipinas ti pinal a lineup sakbay a mangrugi ti torneo, ket target ti Gilas a madepensaran ti napangabakanda iti 2023 Hangzhou Asian Games.
-- ADVERTISEMENT --
