VIGAN CITY– Agkasapulan ti Bureau of Fire Protection (BFP) ti dwa ribo a Fire Officer-1 ket mangrugi da nga agawat ti applikasyon manipud June 4 agingga July 6 iti agdama a tawen.
Segun kenni F/Supt. Floro Obrero, acting regional director for operations iti BFP – region 1, silulukat ti applikasyon kadagiti nagturpos ti kolehiyo no laket nakapasa da ti board exam wenno adda ti civil service eligibility da.
Para met kadagiti saan nga umabot iti height requirement a 5’4’’ para kadagiti lallaki ken 5’2’’ para kadagiti babbai , nangruna dagiti taga upland municipalities ken miembro ti cultural minorities, ket kasapulan ti certificate manipud iti National Commission for Indigenous Peoples (NCIP).
Inlawlawag ni Obrero a ti dwa ribo a quota ket pagbibingayan dagiti kada BFP regional offices isu a dumalan iti nainget nga screening dagiti applikante.
