VIGAN CITY – Im-imbestigaran dagiti kameng ti Santa Municipal Police Station ti aksidente a napasamak idiay Magsaysay, Santa a nakatayan ti duwa bulan na a maladaga.
Ti pannaki-uman ti Bombo Radyo Vigan ken ni P/Capt. Samuel Reyes, mangidaulo ti Santa municipal police station, agpapa-amianan a direksion ti kurong-kurong a minaneho ni Geralbie Manuel, agtawen ti tallo pulo ket siam kadua na iti pasahero na a ni Elena Manuel nga agtawen ti uppat a pulo ket lima ken ti dua bulan a maladaga a ni Jelyn Munar nga agpapada a taga- Caba, La Union.
Mapapati a napaspas ti panagmaneho ti driver iti kurong-kurong isu nga idi nakadanun da iti kurbada a paset iti kalsada idiay Barangay Magsaysay ket nabaliktadda ket natnag dagiti pasahero na iti akin-daya a paset iti kalsada.
Agsipud iti dayta, nagsagaba ti nakaro a dunor ti ulo ti maladaga a naipaagas iti ospital ngem naideklarar a dead on arrival.
