VIGAN CITY – Nagsagaba iti dunor iti nadumaduma a paset iti bagi da dagiti driver ken pasaheros da iti duwa a lugan a nagdinnungpar idiay Brgy. Quinarayan, Narvan, Ilocos Sur.
Nabigbig dagiti nakalugan ti Mitsubishi L300 FB a da Reginold Basilio David, agtawen tallo pulo ket duwa, negosyante ken nagmaneho iti nasao a lugan, Jonathan Bisilio David, agtawen tallo pulo ken agpada nga agnaed ti 052 San Vicente, Santo Tomas, Pampanga ken iti Red Hyundai Accent a minaneho ni Ramel Callejo Miranda, agtawen uppat a pulo ket lima, security guard ken agnaed ti Brgy. Paratong, Narvacan.
Basar iti pakpakauna nga imbestigasyon ti Narvacan Municipal Police Station, agpapaamyanan a direksyon ti Mitsubishi L300 ken agpapaabagatan a direskyon ti Hyundai Accent nga immagaw iti linya iso a napasamak iti aksidente.
Ti agdama agtultuloy iti imbestigasyon dagiti pannakabagi ti linteg inaig iti napasamak nga aksidente ken saan pay nga ammu no manu iti gatad sagiti nadadael a lugan.
