--Ads--
Kiniddaw ti Duterte Youth Partylist iti Korte Suprema, babaen iti chairman-da a ni Ronald Cardema, a mangiruar iti temporary restraining order kontra iti suspension order ti Comelec iti proklamasyon ti grupo.
Ti Duterte Youth ti maikadua kadagiti adda iti kangatoan a botos a naala nga umabot iti 2,338,564 iti kalkalpas a midterm elections, isu a naipaayanda iti tallo a seats iti kamara.
Improklama ti poll body dagiti nangabak a partylist idi Lunes ngem sinuspenso ti poll body ti proklamasyon ti Duterte Youth.
Patien ni Cardema a nakaaramid iti grave abuse of discretion ti Comelec, ken arigna saan a naipakaammo kadakuada ti suspension.
-- ADVERTISEMENT --
