--Ads--
Nagkiddaw manen ni dati a Presidente Rodrigo Duterte iti International Criminal Court iti interim release a mapan iti saanen a nainaganan a pagilian, segun iti abogadona a ni Nicholas Kaufman.
Maibasar iti naipasa a dokumento idi August 19, 2025, nakasagana a mangawat ti nasao a pagilian ken ni Duterte ken ipatungpal ti ania man a kondisyon ti ICC.
Impaganetget ti kampo ni Duterte nga awan ti umdas a pagibasaran tapno agtalinaed a nakabalud, ken saan a nainkalintegan no agtalinaed a nakabalud bayat a mayur-uray ti nabayag a proseso.
Idi Hunyo, immunan a nakiddaw ti temporary a pannaka-wayawayana, ket nadakamat a saan a kontra ti prosekusyon no la ket masurot dagiti naituding a kondisyon.
-- ADVERTISEMENT --
