--Ads--
96 ti natay ken nasurok 50 ti nadunor gapu iti dust storm, napigsa nga angin, ken kimat iti northern India.
Maysa kadagiti kangrunaan a naapektaran ti estado ti Uttar Pradesh, kadakkelan iti populasion iti pagilian, kalpasan a timmama ti bagyo iti nadumaduma a distrito.
Segun kadagiti opisial, karaman kadagiti rason ti pannakatay ti panagtupak dagiti kayo, pannakarpuog dagiti istraktura, ken kimat.
Nadadael pay dagiti pagtaengan, pagmulaan, imprastraktura ti koriente, nangruna kadagiti adda iti nasulinek a lugar.
-- ADVERTISEMENT --
