Madanagan ni Senate President Pro Tempore Panfilo Lacson ti maibilang a “duplicate” nga alokasyon ken nangato a saan a maipalawag a panagpangato ti Department of Public Works and Highways (DPWH) 2025 budget a mabalin nga agresulta iti pannakaallilaw ken madi a panagaramat ti pondo.
Intudo ni Lacson iti mamin-ano a daras a panagpangato ti Convergence and Special Support Program (CSSP), a ngimmato iti 136.08 porsiento idi 2024 a gappuanan ti congressional insertions.
Pinasingkedanna pay iti sumagmamano a proyekto a nakalista iti agpada a Sustainable Infrastructure Projects Alleviating Gaps (SIPAG) ken Basic Infrastructure Programs (BIP), pakairamanan dagiti konstruksyon ken rehabilitasyon ti kalsada idiay Sorsogon, Pangasinan, Camarines Norte, ken dadduma pay a lugar nga adda agsina a pondo uray agpada iti titulo.
Impaganetgetna iti panangisardeng ti “abuse” iti unprogrammed funds nga umabot iti P151.426 billion para iti flood control manipod 2023 agingga 2025, malaksid iti P1.006 trilyon iti programmed appropriations.
Segun ken ni Senator Sherwin Gatchalian, adda plano ti DPWH a reportma pakairamanan ti panangiraman ti SIPAG ken BIP manipod 2027 ken panangpasayaat ti dokumentasyon ti proyekto babaen ti station numbers, technical descriptions ken coordinates.
