--Ads--
Nakaaramid iti baro a world record ti Swedish pole vaulter a ni Armad Duplantis nga adda winning height-na a 6.27 meters iti All Star Perche event idiay Clermont-Ferrand, France.
Iti silver meeting ti World Athletics Indoor Tour, rinugian ni Duplantis ti kompetisyon iti 5.65 m ket naartapanna ti umuna a gandatna a 5.91m ken 6.02.
Kalpasan a ma-clear ni Duplantis ti 6.07m tapno maala ti pangabak, ginandatna met nga artapan ti dati a world record-na a 6.26 m iti Diamond League meeting idiay Silesia, Poland ta napagballigianna daytoy iti umuna nga attempt iti 6.27m.
Daytoy ti maikadua a daras a makaaramid iti world record ni Duplantis iti Clermont-Ferrand idi nagun-odna ti 6.22 m iti Frech City dua a tawenen ti napalabas.
-- ADVERTISEMENT --
