Madanagan ni Senate Minority Leader Aquilino Pimentel III iti dumakdakkel nga utang ti Pilipinas, isu nga innallukoyna dagiti economic managers nga i-exercise ti fiscal discipline ken tamingen ti isyu sakbay nga agbalin a long-term financial risks.
Inyunay-unay ni Pimentel a ti umad-adu a panagbayad iti utang ti pagilian, ket manglimitar kadagiti pondo a para kadagiti social programs ken dadduma pay nga essential services.
Kinuestionaranna pay ti 10% a panagngato ti naisingasing a 2025 national budget no iyarig iti daytoy a tawen, ken kayatna a malawlawagan iti nasao a banag.
Basar iti outstanding debt ti gobierno a dimmanon iti P15.18 trillion idi Pebrero 2024.
Patien ni Pimentel a rumbeng nga ipangpangru ti gobierno ti panangtaming iti kasasaad ti utang tapno masigurado ti long-term financial stability ken maliklikan dagiti potential economic risks.
