Maisayangkat ita nga aldaw ti “Dugong Bombo: A Little Pain, a Life to Gain” blood donation drive kadagiti 24 cities ti 31 fully digitalized Bombo Radyo ken Star FM.
Gagem ti nationwide event nga i-replenish ti suplay ti dara ti pagilian babaen ti tulong dagiti rinibu a donors.
Kas panangselebrar ti mika-limapulo ket walo nga anibersaryo ti Bombo Radyo, daytoy a signature initiative ket para iti panagkumit ti network a mangisalakan iti biag.
Idi 2023, nakaurnong ti “Dugong Bombo” iti 2,502,450 CC a dara, wenno 2,502.45 liters, 661.08 gallons, wenno 12.02 drums.
Dagiti kayatna iti agidonar ti dara, nasken a nakakondisyon ti bagi ken dumalan iti screening sakbay nga agdonar.
Kadua ti Bombo Radyo Vigan ti Provincial Health Office ken Ilocos Sur Provincial Hospital Gabriela Silang tapno masigurado ti safety ken efficiency ti blood donation process.
