VIGAN CITY – Sangagasut uppat a pulo ket siam ti balligi a nagidonar ti dara iti naisayangkat a Dugong Bombo Blood Letting Activity ti Bombo Rdayo Vigan iti ili ti Santa babaen iti panagkikinnammayet ti LGU-Santa, Provincial Government of Ilocos Sur, Ilocos Sur Provincial Hospital Gabriela Silang ken Provincial Health Office.
Naragsakan ni Santa Mayor Jesus Popoy Bueno ta adu dagiti naayat a kailianna a nakipaset iti nasao nga aktibidad a dakkel a tulong kadagiti agkasapulan.
Saan laeng a dagiti Santanians agsipud ta adda pay dagiti riders a naggapu iti nadumaduma nga ili ti naayat a simmuporta gapu iti kalikagumda a makatulong.
Iti agdama, adda ti 747 a bilang dagiti balligi a blood donors kadagiti innem a barangay iti probinsia a napanan ti Bombo Radyo Vigan para iti Dugong Bombo 2020.
