VIGAN CITY – Limapulo ket lima ti naballigi a blood donors iti naaramid a Dugong Bombo Blood Letting Activity idiay ili ti Narvacan partikular iti uneg ti ISPSC campus ti Brgy. Sulvec a dagiti kangrunaan a nakiipaset ket dagiti miembro ti Philippine Army.
Kalaksidan dagiti taga-Sulvec ket adda pay dagiti donor a naggapu manipud iti nadumaduma nga ili kas idiay Sta. Maria,Quirino, Lidlidda ken dagiti pay Santa riders kasta met dagiti donor kadagiti kabangibang a barangay kas ti Quinarayan ken Margaay.
Ti aktibidad ket babaen ti panagbibinnulig ti Bombo Radyo Vigan, Narvacan LGU babaen ken ni Mayor Chavit Singson ken Ilocos Sur Provincial Hospital Gabriela Silang.
Iti agdama, 1,091 dagiti succesful blood donors manipud idi Enero para ti agtultuloy a blood letting activity.
