VIGAN CITY – Naisayangkat iti Dugong Bombo Bloodletting Activity Covid-19 Edition iti Sports Complex ili ti Santiago ket adda ti uppat a pulo ket innem a bilang dagiti balligi a nagidonar.
Ti aktibidad ket babaen iti panagtitinnulong iti Provincial Health Office, Ilocos Sur Provincial Hospital-Gabriela Silang ken Bombo Radyo Vigan pakairamananen iti RHU Santiago.
Segun ken ni Dr. Vida Verto iti RHU Santiago, dagiti naayat nga agboluntaryo a nangted iti dara ket nabakunaanen iti umuna a dose iti covid-19 vaccine.
Kabayatanna, manamnama pay iti maisayangkat a bloodletting activity inton June 15 idiay Bantay; June 23 iti covered court idiay Poblacion, Sta. Cruz; June 25 iti Vigan Culture and Trade Center iti siudad ti Vigan ken inton June 30 idiay San Esteban.
