VIGAN CITY – Pinaneknekan manen ti Bombo Radyo Vigan nga iti baet ti Covid19 pandemic ket agtultuloy ti pannakaisayangkat ti Dugong Bombo Blood Letting Activity kas paset ti new normal ken tapno matulongan dagiti agkasapulan iti dara.
Babaen ti panagbibinnulig ti Bombo Radyo Vigan, Ilocos Sur Provincial Hospital Gabriela Silang ken Narvacan-LGU ket balligi a naisayangkat ti Dugong Bombo kadagiti lima a barangay a pakairamanan ti Brgy. Marozo, Casilagan, Cadacad, Sarmingan, Estancia ken Lanipao.
Gapu ti dayta, saan a napaay ti kanayon a panangal-allukoy ni LMP President ken Narvacan Mayor Luis Chavit Singson kadagiti residente a makipaset iti nasao nga aktibidad
Sangagasut ti bilang dagiti balligi a nagidonar ti dara kadagiti nasao a barangay isu nga umaboten ti 1,295 dagiti successful blood donors manipud kadagiti siam nga ili a napanan ti Bombo Radyo Vigan para ti Dugong Bombo 2020.
