VIGAN CITY – Kinablaawan ni Ilocos Sur Governor Ryan Singson dagiti duapulo ket tallo nga ili iti probinsia a naideklara a drug-free ken pagyamananna ti Philippine Drug Enforcement Agency iti pannakitinnulongda tapno mapapigsa iti kampania kontra iti illegal a droga.
Dagiti ili a drug-free ket pakairamanan ti Banayoyo, Bantay, Burgos, Cervantes, Gregorio del Pilar, Galimuyod, Lidlidda, Nagbukel, Quirino, Salcedo, San Emilio, San Esteban, San Ildefonso, San Juan, San Vicente, Sigay, Sta Cruz, Sta. Lucia, Sta. Maria, Sto. Domingo, Sugpon ken Suyo.
Maragsakan pay ti gobernador ta uppat a tawenen a drug-free dagiti men and women personnel iti probinsia ta manipod idi 2016 agingga iti agdama a tawen ket drug-free dan.
Segun ti gobernador, namnamaenna a ti nasao a banag ket pangitundaan pay iti pannakaideklara ti probinsia nga insurgency-free ken pakaideklara a drug-free iti intero a probinsia.
