Duapulo ket lima nga agad-adal iti Nagtupacan Elementary School, nabenepisyaran manipud iti programa a “Regalo Para sa Batang Juana”

VIGAN CITY – Duapulo ket lima nga agad-adal iti Nagtupacan Elementary School iti ili ti San Vicente ti nabenepisyaran iti “Regalo Para sa Batang Juana”, maysa kadagiti programa wenno aktibidad ti Provincial Environment and Natural Resources ita a Women’s Month.

Iti pannaki-uman ti Bombo Radyo Vigan ken ni Rosemarie Jornacio, Provincial Environment and Natural Resources Officer, napili a benepisyaryo dagiti ubbing a naibilang a “poorest of the poor” ken naapektaran idi iti bagyo Egay.

Naipaayan dagiti nasao nga ubbing iti school supplies, taraon ken ay-ayam.

Immunan nga insayangkat ti nasao nga ahensia ti aktibidad idiay Tagudin Integrated School ket uppat a pulo ket lima nga special children met ti napili a maikkan.